Það er ýmislegt sem þarf að huga að fyrir stóra daginn. Hér er tillaga að tímaáætlun til að aðstoða ykkur við skipulagninguna á stóra deginum ykkar.
9-12 mánuðum áður
Ákveða og panta kirkjuna eða svæði fyrir athöfnina
Panta prest / athafnarstjóra
Ákveða og panta söng og organista eða annað hljóðfæri fyrir kirkjuna
Panta tíma í hárgreiðslu fyrir brúður ásamt prufutíma
Panta tíma fyrir brúðgumann, brúðarmeyjar og -sveina
Kaupa brúðarkjól, slör, hárskraut, skó og sokkaband. Ekki má gleyma undirfatnaði og skartgripum
Panta tíma í förðun ásamt prufutíma
Kaupa jakkaföt, skyrtu, skyrtuhnappa, bindi og skó á brúðgumann
Ákveða litaþema
Kaupa eða leigja fatnað á brúðarmeyjar og -sveina
Ákveða hvort það verður hringaberi
Ákveða hver keyrir brúður og brúðguma í kirkjuna og leigja bíl og bílstjóra eftir þörf er á
Útbúa gestalista, boðskort og senda út tímanlega ef fólk býr erlendis
Ákveða hvernig matur verður í boði
Panta sal
Ákveða skemmtiatriði / söng og panta ef þörf er á
Panta skemmtanastjóra
Ákveða morgungjöf
Panta gistingu fyrir brúðkaupsnóttina
Panta brúðkaupsferðina
Ákveða drykki
Panta ljósmyndara
Kaupa hringana og ákveða skrift innan í hringana.
Ákveða hver stendur með brúðguma og hver leiðir brúður upp að altari
6-9 mánuðum áður
Ákveða hvernig brúðarmeyjar og -sveinar koma inn kirkjugólfið. Stundum dansað eða afhentir drykkir eða dreyft blómum
Panta skraut fyrir salinn, og passa að skipulag á uppsetningu á salnum sé í lagi
Panta brúðarvönd, barmblóm, kastvönd og vendi fyrir börn/brúðarmeyjar/sveina
Ákveða hver muni sækja brúðarvöndin og hin blómin á stóra deginum.
Panta matinn fyrir veisluna
Kaupa morgungjöfina
Kaupa drykkina
Staðfesta lagaval við söngvara
Panta sprey tan og neglur
Bóka mátun í breytingu á fatnaði ef þörf er á
Ákveða hver er með hvaða hlutverk í brúðkaupinu
Panta næturpössun fyrir börnin ykkar og hver mun koma þeim í næturpössun
Kaupa skraut á bílinn
Ákveða hverjir munu halda ræðu eða vera með skemmtiatriði
Panta borðdúka, alltaf panta umfram.
Ganga frá morgungjöf
Bóka afþreyingu og góða veitingastaði fyrir brúðkaupsferðina
Ákveða hver mun sjá um steggjun og gæsun (Passa að velja einhvern sem þið treystið)
3-6 mánuðum áður
Ef þið skreytið kirkjuna, þá þarf að ákveða hver mun setja það upp og taka niður, því tímaramminn er oftast mjög stuttur á milli athafna.
Finna út eitthvað blátt, lánað og nýtt
Panta snyrtingu á skeggi fyrir brúðgumann
Ákveða sætaskipan
Panta snarl fyrir kvöldið
Ákveða hverjir munu hjálpa að setja upp fyrir brúðkaupið og taka niður skrautið daginn eftir
Kaupa hringapúða
1-3 mánuðum áður
Panta tíma fyrir æfingu á athöfninni og fara yfir skipulagið
Sækja fatnað sem hafði verið breyttur
Passa að skemmtanastjóri fái afrit af ræðum og setji upp skipulag fyrir veisluna og stilli upp gestum þegar þið komið svo það sé tekið vel á móti ykkur
Ákveða leiki fyrir gesti á meðan beðið er eftir ykkur
Staðfesta tíma og staðsetningu á ljósmyndara
Ákveða hver aðstoðar brúðurinni að hafa sig til
Ákveða hver aðstoðar börnin að hafa sig til og fylgjast með þeim yfir daginn
Sækja hringana
Panta vottorð um núverandi hjúskaparstöðu
Viku fyrir brúðkaup
Prufutími í förðun og hárgreiðslu
Klipping fyrir brúður, brúðguma og börn
Æfing fyrir athöfnina
Þrífa bílana
Hafa regnhlíf tilbúna
Undirbúa drykki og snarl fyrir bílana til að grípa í eftir athöfnina
Brúðkaupsdagurinn
Sækja brúðarvönd og barmblóm og koma því tímanlega til brúðhjónanna
Ef myndir eru teknar úti, þá taka með sér eitthvað hlýtt til að hlýja sér á milli mynda og hafa plan B fyrir staðsetningu inni ef veður verður slæmt.
Muna eftir hringunum
Muna að borða og drekka vel og njóta dagsins ykkar
Til hamingju með stóra daginn ykkar